Sem betur fer vinn ég bara til 1...... ég held ég hefði ekki getað þolað bjarnastaðabeljurnar og gamla nóa lengur...... og ég hefði ekki haft gott af meira nammi heldur...............
En ég var líka heppin að Ragnheiður hleypti mér í langt kaffi þannig að ég gat farið upp og falið mig í smá tíma og drukkið soldið mikið kaffi sem gerði mér kleyft að takast á við Öskudaginn.... setti meira að segja upp bleika hárkollu í tilefni dagsins.... það var alveg rétt sem
Ragnheiður sagði í morgun að við myndum komast í gegn um daginn með smá geðlyfjum og fullt af kaffi... virkaði allavega fyrir mig.....
Það er ekki enn búið að gera við dekkið mitt... kom í ljós í dag að það er felgan sem er ekki í lagi..... ef það er ekki hægt að laga hana þá verð ég að kaupa nýjar..... sem ég hef ekki efni á akkúrat núna... en jæja....
kannski kemur eitthvað inn í Vöku..... á viðráðanlegu verði...... sem fyrir mig er ekki mjög hátt........

Týpískur mánudagur..........
um leið og ég kem úr vinnunni og ætla að fara að setjast upp í bíl er þá ekki eitt dekkið alveg loftlaust! Eftir að hafa sparkað í það nokkrum sinnum varð ég að gjöra svo vel að viðurkenna vanmátt minn og athuga hvort einhver kallanna í búðinni myndi ekki aumkva sig yfir mig og skipta um dekk fyrir mig... sem og gerðist.... þeir eru soddan elskur....
nú þarf bara að fá pabba til að láta laga dekkið fyrir mig........

zzzzzzzzzzzzz........... búin að sofa eiginlega alla helgina.... held að ofurþreytan sé að mestu gengin yfir...... ætti að vera það eftir allan svefninn.... ekki það að ég sé að kvarta.... ég elska að sofa.....
vona bara að hitt versni ekki meira... nenni hreinlega ekki að fara á stera..... langar ekkert að fá mood swings dauðans, engan sykur, endalaust vatn að drekka og þurfa að sitja í nokkra tíma á dag meðan það dropar í æð.... og mega ekki fá neitt súkkulaði... það er held ég verst..... en vonandi þarf þess ekki.... svo framalega sem ég get enn krossað fingurna þá sleppur þetta....

uhmm.... búin að vera of upptekin við að sofa og hef ekki verið vakandi nógu lengi til að blogga...
Afneitun er nefnilega mjög orkufrek.... það er nefnilega þannig að alltaf þegar heilsan er ekki 100% þá kemur afneitunin upp.. það er nefnilega alltaf eins og þetta sé í fyrsta sinn... og í hvert skipti sem það er búið er látið eins og það sé í siðasta sinn... þannig gengur þetta í hringi... inn á milli er þetta bara sona nei ég er ekkert veik... þarf bara að sprauta mig 3 í viku og taka önnur lyf daglega en annars er allt í lagi með mig.... svo þegar eitthvað kemur upp er það alltaf voðalegt sjokk... mjög óvænt... já ég á bara aldrei von á því að fá tannlækna doða í fæturna... hvað þá í rassinn.... og nei ég á ekki von á því að berjast við ofurþreytu á hverjum degi eða að hafa ekki fullkomna stjórn á útlimum....
alveg merkilegt hvað afneitunin getur verið sterk..... en svona er lífið..... slæmir hlutir geta líka komið fyrir þig... og svo þegar þeir gerast er bara um að gera að segja sjálfum sér að þetta sé nú ekki svo slæmt.... ég er þó ekki með Parkinsons eða MND eða heilaæxli eða AIDS osfrv. og ef það væri eitthvað að þessu þá væri söngurinn bara ég er þó ekki með MS.... já afneitun er merkilegt fyrirbæri

urhm..... kominn smá tími síðan ég bloggaði síðast... sökk oní nokkrar bækur....
en annars var Ichi helvíti góð.... mjög skemmtilegar persónur og mikið splatter..... þannig að vesenið var alveg þess virði... Nú er bara að bíða eftir Invasion of the Blood Farmers.... hún er hreinasta snilld.... ekki alveg kannski á þann hátt sem var ætlast til en snilld engu að síður.... það jafnast ekkert á við hryllingsmynd sem er það vond að hún er fyndin... og Invasion of the Blood Farmers er það vond á góðan hátt að ég held svei mér að engin önnur komist með tærnar þar sem hún hefur hælana....
Svo er líka verið að bíða eftir fimmtu Harry Potter bókinni... hinar fjórar entust í 4-5 daga þannig að það er ekki seinna vænna.... held samt að það taki einhverjar 2-3 vikur í viðbót.... Voffalingarnir verða þó fegnir.... þeir hafa ekki fengið mikla athygli frá mér undanfarið.... en hafa verið ósköp dugleg við að haga sér eins og geðsjúklingar til að fá athygli frá öllum öðrum... það er ekki einu sinni hægt að hleypa þeim út í garð án þess að þau fái kast.... Bjartur greyið tapaði sér svo gjörsamlega tvisvar nýlega að hann réðst á Birtu í misgripum.....

Jæja þá er vinnuvikunni lokið og sömuleiðis DHL vitleysunni. Ég fékk loksins pakkann í dag og komst þá að því að tollurinn heimtaði virðisauka, mér fannst upphæðin heldur há en ákvað samt að fara bara og borga en kemst þá að því að helmingurinn er útskriftargjald fyrir DHL! Ekki nóg með það að bílstjórinn hafi verið með asnagang alla vikuna heldur rukka þeir mig fyrir það líka. Ég veit þó allavega hvert ég fer ekki næst þegar ég þarf á hraðsendingarþjónustu að halda.
Annars var frekar rólegt í vinnunni, mætti í seinna lagi þar sem ég þurfti að moka af bílnum. Hann stóð þó þannig að það var helst á framrúðunni, hitt fauk eiginlega allt. Svo var stöðufundur í hádeginu og frír matur. Alltaf gott að fá fríian mat.
Ég er alveg viss um að þegar ég get loksins farið að horfa á Ichi the killer þá verður þetta besta mynd sem ég hef nokkurn tíma séð og Harry Potter bestu bækur sem ég hef lesið. Getur ekki annað verið eftir allt þetta vesen. Verð að réttlæta þetta allt saman einhvern veginn.... þannig að ef ég er spurð verður svarið að þetta sé best mynd ever og bestu bækur ever...... þá vitið þið það.....

Það dugar víst ekki lengur að vera heima þegar DHL kemur. Eftir að hafa haldið fólki í gíslingu hér heima í allan dag og hringt 3 sinnum til að vera viss um að pakkinn kæmi i dag... guess what... hann er aftur farinn til Keflavíkur! Í síðasta skiptið sem ég hringdi gerðist ég svo fræg að garga í símann. Og ég meina garga, það er alveg hægt að segja með sanni að þjónustan hjá þessu fyritæki er alls ekki góð. Þetta er ekki í fyrsta skiptið sem ég hef lent í veseni með sendingar og ábyggilega ekki í síðasta sinn þó svo að héðan í frá muni ég persónulega aldrei skipta við þá aftur. Held mig frekar við Íslandspóst sem þó skrítið sé er með miklu betri þjónustu. Það skiptir svo sem engu máli upp á tímann að gera vegna þess að með öllu þessu rugli og lygaþvælu í DHL þá tekur það alveg jafn langan tíma og gamli góði pósturinn sem hefur ekki svikið mig svona hingað til.
og áður en ég gleymi þá vil ég þakka Ragnheiði fyrir að leyfa mér að tuða í henni. Það er ómetanlegt að hafa einhvern sem hægt er að tuða í.
á morgun er svo næsti hluti í hringavitleysunni með DHL.......

Klukkan að verða tvö og heimska "Þetta kemur í fyrramálið" DHL er EKKI enn komið. Ég er farin að skilja afhverju fólk hringir og gargar á þá.
En síðan ætti að mestu að vera komin í lag núna þökk sé Ragnheiði sem var svo góð að finna kóda fyrir mig :) Þetta er allt orðið svo flókið núna á miðað við þegar ég var upp á mitt besta, mér líður eins og ævafornri kellingu stundum.....

Jæja, þá er bloggið loksins komið upp. Tók mikinn tíma og pælingar að finna rétta útlitið, er bara nokkuð sátt núna. Frekar einfalt og auðvelt. Alltaf gott að vera latur. Ákvað bara að klára þetta núna þar sem heimska DHL kom ekki með Harry Potter í dag. Frekar en í gær. Virðast ekki kunna að lesa þessi grey. Maður verður víst að setja einhvern á heimilinu í stofufangelsi á morgun til að taka á móti pakkanum, það er víst ekki nóg að senda hundana til dyra...............